Elke vierkante meter tel
Sel: 0783343867

Erdwurms

Die eerste vraag wat ek kry oor erdwurmboerdery is, watter soort erdwurms vir erdwurmboerdery en -kompostering gebruik word. My antwoord is gewoonlik die volgende: Erdwurms word in 3 kategorieë verdeel, nl.

Epigeic spesies

Die erdwurms wat ons in erdwurmboerdery en -kompostering gebruik kom uit hierdie kategorie. Hierdie tipe erdwurms woon hoofsaaklik in organiese materiaal bo-op (epi=bp en geic=grond) die grond en is by uitstek goed daarmee om organiese materiaal wat bo-op die grond lê, af te breek. Die erdwurms uit hierdie spesies wat die meeste in erdwurmboerdery gebruik word, is die een met die wetenskaplike naam : Eisenia Fetida. Hulle word ook die Red Wiggler of Kariba wurms genoem.

Endogeic spesies

Die spesies woon hoofsaaklik in die grond (endo=binne-in en geic=grond). HUlle wissel in grootte van 2-12 cm en hulle hoof voedingsbron is die grond self. Hulle sluk grond partikels in en verteer die organiese materiaal en mikro-organismes wat daarin voorkom.) Met hulle rondbeweeg in die grond vorm hulle permanente tonneltjies tot omtrent 50cm diep.

Anecic spesies

Hierdie erdwurms maak vertikale tonnels tot 2m diep in die grond. Hulle eet vars organiese afval wat bo-op die grond lê en trek dit in die grond in. Dit duidelik hoe belangrik organiese materiaal vir die grond is en vir jou grond se erdwurmpopulasies.

"Bioturbation" Erdwurms se werksaamhede

Lees meer oor die verskillende erdwurms hier:

http://www.nrri.umn.edu/worms/identification/ecology_groups.html

Facebooktwitter